КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2021-жылдын 8-февралы № 35

Кыймылдуу мүлккө карага милдеттенмелерди (келишим боюнча) аткаруу боюнча талап укугун каттоо маселелери жөнүндө

"Күрөө жөнүндө" Кыргыз Республикасынын Мыйзамынын 21-статьясын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыймылдуу мүлккө карата милдеттенмелерди (келишим боюнча) аткаруу боюнча талап укугун каттоо тартиби жөнүндө нускама тиркемеге ылайык бекитилсин.

2. Кыргыз Республикасынын Өкмөтүнүн 2017-жылдын 13-февралындагы № 99 "Кыймылдуу мүлккө талап укуктарынын бирдиктүү мамлекеттик реестри жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

1) 2-пунктундагы "Юстиция министрлигинин алдындагы Борбордук күрөөлүк каттоо конторасы" деген сөздөр "Юстиция министрлиги" деген сөздөр менен алмаштырылсын;

2) жогоруда аталган 94токтом менен бекитилген Кыймылдуу мүлккө талап укуктарынын бирдиктүү мамлекеттик реестри жөнүндө жободо:

- 5-пунктундагы "Кыргыз Республикасынын Юстиция министрлигинин алдындагы Борбордук күрөөлүк каттоо конторасы (мындан ары - БККК)" деген сөздөр "Кыргыз Республикасынын Юстиция министрлиги (мындан ары - ыйгарым укуктуу мамлекеттик орган)" деген сөздөр менен алмаштырылсын;

- 8-пунктунун экинчи абзацындагы "БКККнин" деген аббревиатура "ыйгарым укуктуу мамлекеттик органдын" деген сөздөр менен алмаштырылсын;

- 19-пунктундагы "БККК" деген аббревиатура "ыйгарым укуктуу мамлекеттик орган" деген сөздөр менен алмаштырылсын.

3. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2009-жылдын 7-февралындагы № 82 "Кыргыз Республикасынын Юстиция министрлигинин алдындагы Борбордук күрөөлүк каттоо конторасы жөнүндө жобону бекитүү тууралуу" токтому;

2) Кыргыз Республикасынын Өкмөтүнүн 2011-жылдын 16-сентябрындагы № 555 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому;

3) Кыргыз Республикасынын Өкмөтүнүн 2017-жылдын 8-февралындагы № 76 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтомунун 2-пункту;

4) Кыргыз Республикасынын Өкмөтүнүн 2017-жылдын 8-февралындагы № 77 "Кыймылдуу мүлккө карата милдеттенмелерди аткаруу боюнча (келишим боюнча) талап укугун каттоо тартиби жөнүндө нускаманы бекитүү тууралуу" токтому.

4. Ушул токтом расмий жарыяланган күндөн тартып жети жумуш күн өткөндөн кийин күчүнө кирет.

"Эркин Тоо" газетасынын 2021-жылдын 16-февралындагы № 12 (3191) жарыяланды