ТоктомКүчүн жоготту

КР Өкмөтүнүн 2012-жылдын 22-августундагы № 578 «Кыргыз Республикасынын Жогорку аттестациялык комиссиясынын ишин жөнгө салуучу ченемдик укуктук актыларды бекитүү жөнүндө» токтому

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КР Министрлер Кабинетинин 2022-жылдын 30-апрелиндеги № 242 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 22-августу № 578

Кыргыз Республикасынын Жогорку аттестациялык комиссиясынын ишин жөнгө салуучу ченемдик укуктук актыларды бекитүү жөнүндө

(КР Өкмөтүнүн 2014-жылдын 30-июлундагы № 425 токтомунун редакциясына ылайык)

Жогорку квалификациялуу илимий жана илимий-педагогикалык кадрларды аттестациялоо жаатында мамлекеттик саясатты өркүндөтүү, Кыргыз Республикасынын Жогорку аттестациялык комиссиясынын ишинин натыйжалуулугун жогорулатуу максатында Кыргыз Республикасынын Өкмөтү

ТОКТОМ КЫЛАТ:

1. Төмөнкүлөр бекитилсин:

- Окумуштуулук даражаларды берүү тартиби жөнүндө жобо 1-тиркемеге ылайык;

- Диссертациялык кеңеш жөнүндө жобо 2-тиркемеге ылайык;

- Окумуштуулук наамдарды берүү тартиби жөнүндө жобо 3-тиркемеге ылайык;

- Эксперттик кеңеш жөнүндө жобо 4-тиркемеге ылайык.

2. Кыргыз Республикасынын Өкмөтүнүн 2011-жылдын 29-июлундагы № 425 "Кыргыз Республикасынын Жогорку аттестациялык комиссиясынын маселелери жөнүндө" токтомуна төмөнкү толуктоо киргизилсин:

жогоруда аталган токтом менен бекитилген Кыргыз Республикасынын Жогорку аттестациялык комиссиясы жөнүндө жобонун 6-пунктунун он үчүнчү абзацындагы "илимдин кандидатынын дипломдорунун," деген сөздөрдөн кийин "философиянын доктору дипломунун (РhD)" деген сөздөр менен толукталсын".

3. Кыргыз Республикасынын Жогорку аттестациялык комиссиясы:

- ушул токтомдон келип чыккан ченемдик укуктук актылардын долбоорун белгиленген тартипте киргизсин;

- өзүнүн чечимдерин ушул токтомго ылайык келтирсин.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 1993-жылдын 27-майындагы № 231 "Илимий жана илимий-педагогикалык кадрларды аттестациялоо маселелери" жөнүндө токтому;

- Кыргыз Республикасынын Премьер-министринин 2007-жылдын 8-июнундагы № 273 буйругу.

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн.

6. Бул токтом расмий жарыяланган күндөн тартып күчүнө кирет.

 

Премьер-министр

Ө.Бабанов