Загрузка документа…
КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2018-жылдын 18-январы № 33
(КР Министрлер Кабинетинин 2023-жылдын 13-декабрындагы № 675 токтомунун редакциясына ылайык)
Кыргыз Республикасынын мамлекеттик органдарынын жана мекемелеринин, жергиликтүү өз алдынча башкаруу органдарынын ички аудит кызматтарын натыйжалуу иштетүү максатында, "Ички аудит жөнүндө" Кыргыз Республикасынын Мыйзамынын 12-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү
ТОКТОМ КЫЛАТ:
1. Кыргыз Республикасынын Өкмөтүнүн 2009-жылдын 13-мартындагы № 177 "Кыргыз Республикасынын мамлекеттик органдарында жана мекемелеринде, жергиликтүү өз алдынча башкаруу органдарында ички аудит кызматтарын түзүү жөнүндө" токтомуна төмөнкүдөй өзгөртүүлөр киргизилсин:
- 1-пункт төмөнкүдөй редакцияда баяндалсын:
"1. Төмөнкүлөр бекитилсин:
- Ички аудит кызматы түзүлүүгө тийиш болгон Кыргыз Республикасынын мамлекеттик органдарынын жана мекемелеринин, жергиликтүү өз алдынча башкаруу органдарынын тизмеси ушул токтомдун 1-тиркемесине ылайык;
- Ички аудиторлордун кесиптик деңгээлине карата талаптар ушул токтомдун 2-тиркемесине ылайык.";
- (абзац КР Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту)
- ушул токтомдун 2-тиркемесине ылайык редакцияда 2-тиркеме менен толукталсын.
2. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн.
3. Ушул токтом расмий жарыяланган күндөн тартып он күн өткөндөн кийин күчүнө кирет.
Премьер-министри |
| С. Исаков |
1-тиркеме
Ички аудит кызматынын болушу милдеттүү болгон Кыргыз Республикасынын мамлекеттик органдарынын жана мекемелеринин, жергиликтүү өз алдынча башкаруу органдарынын ТИЗМЕСИ
№ | Мамлекеттик органдардын жана мекемелердин тизмеси |
1 | Кыргыз Республикасынын Финансы министрлиги |
2 | Кыргыз Республикасынын Ички иштер министрлиги |
3 | Кыргыз Республикасынын Юстиция министрлиги |
4 | Кыргыз Республикасынын Айыл чарба, тамак-аш өнөр жайы жана мелиорация министрлиги |
5 | Кыргыз Республикасынын Транспорт жана жол министрлиги |
6 | Кыргыз Республикасынын Өзгөчө кырдаалдар министрлиги |
7 | Кыргыз Республикасынын Билим берүү жана илим министрлиги |
8 | Кыргыз Республикасынын Саламаттык сактоо министрлиги |
9 | Кыргыз Республикасынын Эмгек жана социалдык өнүктүрүү министрлиги |
10 | Кыргыз Республикасынын Маданият, маалымат жана туризм министрлиги |
11 | Кыргыз Республикасынын Тышкы иштер министрлиги |
12 | Кыргыз Республикасынын Коргоо иштери боюнча мамлекеттик комитети |
13 | Кыргыз Республикасынын Өнөр жай, энергетика жана жер казынасын пайдалануу мамлекеттик комитети |
14 | Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги |
15 | Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттик |
16 | Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги |
17 | Кыргыз Республикасынын Өкмөтүнө караштуу Мамлекеттик бажы кызматы |
18 | Кыргыз Республикасынын Өкмөтүнө караштуу Мамлекеттик салык кызматы |
19 | Кыргыз Республикасынын Өкмөтүнө караштуу Жазаларды аткаруу мамлекеттик кызматы |
20 | Кыргыз Республикасынын Мамлекеттик чек ара кызматы |
21 | Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызмат (финансылык полиция) |
22 | Кыргыз Республикасынын Өкмөтүнө караштуу Мамлекеттик каттоо кызматы |
23 | Кыргыз Республикасынын Өкмөтүнө караштуу Милдеттүү медициналык камсыздандыруу фонду |
24 | Кыргыз Республикасынын Өкмөтүнө караштуу Мамлекеттик материалдык резервдер фонду |
25 | Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд |
26 | Кыргыз Республикасынын Социалдык фонду |
27 | Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекция |
28 | Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекция |
29 | Бишкек шаарынын мэриясы |
30 | Ош шаарынын мэриясы |
2-тиркеме
Ички аудиторлордун кесиптик деңгээлине карата ТАЛАПТАР
1. Жалпы жоболор
1. Ички аудиторлордун кесиптик деңгээлине карата бул талаптар ички аудиторлордун кызматтык милдеттерин аткаруу жана ички аудиттин функцияларын натыйжалуу жүргүзүү үчүн зарыл болгон кесиптик сапаттарына карата белгиленет.
2. Ички аудиторлордун кесиптик деңгээлине карата талаптар
2. Ички аудиторлордун кесиптик деңгээлине карата төмөнкүдөй талаптар белгиленет:
1) төмөнкүлөрдү билүүсү:
- Кыргыз Республикасынын Конституциясын;
- Кыргыз Республикасынын Бюджеттик кодексин;
- Кыргыз Республикасынын Эмгек кодексин;
- "Ички аудит жөнүндө" Кыргыз Республикасынын Мыйзамын;
- "Мамлекеттик жарандык кызмат жана муниципалдык кызмат жөнүндө" Кыргыз Республикасынын Мыйзамын;
- "Бухгалтердик эсеп жөнүндө" Кыргыз Республикасынын Мыйзамын;
- Кыргыз Республикасынын Өкмөтүнүн 2013-жылдын 9-сентябрындагы № 498 токтому менен бекитилген Ички аудит боюнча кеңеш жөнүндө жобону;
- Кыргыз Республикасынын Өкмөтүнүн 2013-жылдын 31-декабрындагы № 721 токтому менен бекитилген Кыргыз Республикасынын мамлекеттик органдарынын жана мекемелеринин ички аудиторлорунун этикалык стандарттарын;
- Кыргыз Республикасынын Өкмөтүнүн 2013-жылдын 31-декабрындагы № 722 токтому менен бекитилген Бюджеттик мекемелерде финансылык башкаруу жана контролдоо жөнүндө жобону;
- Кыргыз Республикасынын Өкмөтүнүн 2014-жылдын 3-июнундагы № 296 токтому менен бекитилген Кыргыз Республикасындагы ички аудиттин стандарттарын;
- Кыргыз Республикасынын Финансы министрлигинин 2016-жылдын 28-декабрындагы № 212-Б буйругу менен бекитилген Кепилдиктер программасын түзүү жана ички аудиттин сапатын жогорулатуу боюнча колдонмону;
2) төмөнкүлөрдү аткара билүүсү:
- ички аудитти жүргүзүүнү пландоону жана уюштурууну;
- ички аудиттин объектисинин ишиндеги тобокелдиктерди башкаруу процессин баалоону жана жакшыртууну;
- ички аудиттин объектисиндеги ички контролдоо системасынын майнаптуулугун жана натыйжалуулугун баалоону;
- ички аудиттин объектисинин финансылык-чарбалык иши, иш процесстери жана ички контролдоо системасы жөнүндө маалыматты топтоону, талдоону, баалоону жана документтештирүүнү;
- иш процесстерин баяндоо, талдоо жана жакшыртуу боюнча ишти уюштурууну;
- ички аудиттин жыйынтыктары боюнча отчетторду түзүүнү;
- ички аудиттин объектисинин кызматкерлерине ички аудит функцияларын түшүндүрүүнү;
3) төмөнкүдөй көндүмдөрдүн болуусу:
- маалыматтык системалар жана коопсуздукту камсыздоо, документтерди жиберүү жана башкаруу технологиялары менен иштөө;
- анкеталык сурамжылоо жүргүзүү жана талдоо;
- ички аудитти пландаштыруу, аудитордук тапшырмаларды аткаруу жана жүргүзүлгөн аудиттин жыйынтыгы боюнча отчет даярдоодо программалык продуктуларды колдонуу.
3. Ички аудит кызматтарынын жетекчилеринин кесиптик деңгээлине карата төмөнкүдөй талаптар кошумча белгиленет:
1) төмөнкүлөрдү аткара билүүсү:
- ички аудит кызматтарынын ишин стратегиялык пландоону;
- ички аудит кызматтарынын ишинин натыйжалуулугун жана майнаптуулугун камсыздоону;
- ички аудиторлордун ишин так пландоону жана алардын ишин объективдүү баалоону;
- ички аудит процессинде ресурстарды натыйжалуу пайдаланууну;
- чыр-чатактуу кырдаалдардын алдын алууну жана чечүүнү.