КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 23-июну № 407

Транспорт каражаттарын, түзүлүштөрдү жана жабдууларды каттоо маселелери жөнүндө

(Кыргыз Республикасынын Өкмөтүнүн 2018-жылдын 25-октябрындагы № 502, 2019-жылдын 15-февралындагы № 54, 2019-жылдын 6-июнундагы № 282, 2019-жылдын 17-июнундагы № 293, 2019-жылдын 30-августундагы № 443, 2019-жылдын 16-сентябрындагы № 477, 2019-жылдын 18-октябрындагы № 560, 2019-жылдын 21-ноябрындагы № 621, 2019-жылдын 16-декабрындагы № 683, 2020-жылдын 7-майындагы № 237, 2020-жылдын 9-сентябрындагы № 476, 2020-жылдын 7-декабрындагы № 596, Кыргыз Республикасынын Министрлер Кабинетинин 2021-жылдын 18-августундагы № 143, 2022-жылдын 30-апрелиндеги № 239, 2022-жылдын 16-декабрындагы № 685, 2023-жылдын 28-декабрындагы № 716 , 2024-жылдын 23-августундагы № 501, 2025-жылдын 7-апрелиндеги № 181 токтомдорунун редакцияларына ылайык)

Эскертүү: Кыргыз Республикасынын Өкмөтүнүн 2019-жылдын 18-ноябрындагы № 560 токтому менен киргизилген өзгөртүүлөр жана толуктоолор, Кыргыз Республикасынын Өкмөтүнүн 2017-жылдын 23-июнундагы № 407 токтому менен бекитилген Транспорт каражаттарын, түзүлүштөрдү жана жабдууларды, ошондой эле аларга карата менчик укуктарын мамлекеттик каттоо, кайра каттоо эрежелерине.

Транспорт каражаттарын, түзүлүштөрдү жана жабдууларды каттоонун, кайра каттоонун жана эсептен чыгаруунун бирдиктүү тартибин киргизүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине, "Кыргыз Республикасында жол кыймылы жөнүндө" Кыргыз Республикасынын Мыйзамынын 6 жана 24-1-беренелерине жана Салыктык эмес кирешелер жөнүндө Кыргыз Республикасынын кодексинин 49 жана 50-беренелерине ылайык Кыргыз Республикасынын Өкмөтү

(КР Өкмөтүнүн 2019-жылдын 17-июнундагы № 293 токтомунун редакциясына ылайык)

ТОКТОМ КЫЛАТ:

1. Төмөнкүлөр бекитилсин:

- Транспорт каражаттарын, түзүлүштөрдү жана жабдууларды, ошондой эле аларга карата менчик укуктарын мамлекеттик каттоо, кайра каттоо эрежелери, 1-тиркемеге ылайык;

- Катталган транспорт каражаттарынын жана айдоочулук курамынын электрондук маалыматтар базасын уюштуруунун жана күтүүнүн тартиби, 2-тиркемеге ылайык;

- Катталган транспорт каражаттарынын жана айдоочулук курамынын электрондук маалыматтар базасына ыкчам кирүү укугу бар Кыргыз Республикасынын мамлекеттик органдарынын жана кызмат адамдарынын тизмеги, 3-тиркемеге ылайык.

- Транспорт каражаттарынын электрондук паспортторун (транспорт каражаттарынын шассисинин паспортторун), өзү жүрүүчү машиналардын жана техниканын башка түрлөрүнүн электрондук паспортторун тариздөө тартиби 4-тиркемеге ылайык.

(КР Өкмөтүнүн 2018-жылдын 25-октябрындагы № 502, 2020-жылдын 7-декабрындагы № 596 токтомдорунун редакцияларына ылайык)

2. Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттик Кыргыз Республикасынын Экономика жана коммерция министрлиги менен биргеликте:

- транспорт каражаттарынын, өзү жүрүүчү машиналардын жана техниканын башка түрлөрүнүн электрондук паспортторун ишке киргизүү маселеси боюнча Евразия экономикалык комиссиясынын жана Евразия экономикалык бирлиги органдарынын чечимдерин ишке ашырууга жана Евразия экономикалык комиссиясынын жана Евразия экономикалык бирлиги органдарынын чечимдерине шайкеш келтирүү боюнча ченемдик укуктук актылардын тиешелүү долбоорлорун иштеп чыгууга жооптуу мамлекеттик органдар;

- транспорт каражаттарынын паспортторун (транспорт каражаттарынын шассилеринин паспортторун), өзү жүрүүчү машиналардын жана техниканын башка түрлөрүнүн паспортторун тариздөөнү ишке ашыруучу, Евразия экономикалык бирлигинин мүчө мамлекеттеринин - ыйгарым укуктуу органдарынын (уюмдарынын) жана транспорт каражаттарын (транспорт каражаттарынын шассилерин), өзү жүрүүчү машиналарды жана техниканын башка түрлөрүн даярдоочу-уюмдардын реестрин жүргүзүүгө жооптуу мамлекеттик органдар;

- (КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

(КР Министрлер Кабинетинин 2022-жылдын 16-декабрындагы № 685, 2024-жылдын 23-августундагы № 501 токтомдорунун редакцияларына ылайык)

2¹. Транспорт каражаттарынын, өзү жүрүүчү машиналардын жана техниканын башка түрлөрүнүн электрондук паспорттор системасынын улуттук оператору болуп Кыргыз Республикасынын Президентинин Иш башкармасына караштуу "Кызмат" мамлекеттик мекемеси аныкталсын.

(КР Министрлер Кабинетинин 2022-жылдын 16-декабрындагы № 685, 2025-жылдын 7-апрелиндеги № 181 токтомунун редакциясына ылайык)

3. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Өкмөтүнө караштуу Мамлекеттик каттоо кызматында каттоо эрежелерин бекитүү жөнүндө" токтому;

- Кыргыз Республикасынын Өкмөтүнүн 2005-жылдын 28-декабрындагы № 620 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 2-пункту;

- "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автомобиль инспекциясында каттоо эрежелерин бекитүү жөнүндө" токтому менен бекитилген Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автомобиль инспекциясында каттоо эрежелерине толуктоолорду киргизүү тууралуу" Кыргыз Республикасынын Өкмөтүнүн 2006-жылдын 20-мартындагы № 175 токтому;

- Кыргыз Республикасынын Өкмөтүнүн 2006-жылдын 27-апрелиндеги № 307 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому;

- Кыргыз Республикасынын Өкмөтүнүн 2006-жылдын 4-июлундагы № 489 "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автомобиль инспекциясында каттоо эрежелерин бекитүү жөнүндө" Кыргыз Республикасынын Өкмөтүнүн 2003-жылдын 15-февралындагы № 65 токтомуна толуктоо киргизүү тууралуу" токтому;

- Кыргыз Республикасынын Өкмөтүнүн 2006-жылдын 2-августундагы № 553 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 6-пункту;

- Кыргыз Республикасынын Өкмөтүнүн 2006-жылдын 23-августундагы № 603 "Кыргыз Республикасынын Айыл, суу чарба жана кайра иштетүү өнөр жай министрлигине караштуу Башкы мамлекеттик техникалык инспекция органдары тарабынан тракторлорду, өзү жүрүүчү технологиялык машиналарды (автотранспорттон башкасын), алардын чиркегичтерин, ошондой эле технологиялык түзүлүштөрдү мамлекеттик каттоонун, кайра каттоонун жана эсепке алуунун, техникалык кароо жүргүзүүнүн, квалификациялык экзамендерди алуунун жана тракторист-машинисттин күбөлүгүн берүүнүн эрежелерин бекитүү жөнүндө" токтомунун 1-пунктунун экинчи жана үчүнчү абзацтары;

- "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин мамлекеттик автомобиль инспекциясында каттоо эрежелерин бекитүү жөнүндө" токтомуна толуктоо киргизүү тууралуу" токтомуна толуктоолорду киргизүү тууралуу" Кыргыз Республикасынын Өкмөтүнүн 2008-жылдын 30-январындагы № 34 токтому;

- "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автомобиль инспекциясында каттоо эрежелерин бекитүү жөнүндө" токтомуна өзгөртүүлөрдү жана толуктоолорду киргизүү тууралуу" Кыргыз Республикасынын Өкмөтүнүн 2008-жылдын 28-ноябрындагы № 658 токтому;

- Кыргыз Республикасынын Өкмөтүнүн 2009-жылдын 6-июлундагы № 435 "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автоунаа инспекциясында каттоо эрежелерин бекитүү жөнүндө" токтомуна өзгөртүүлөрдү жана толуктоолорду киргизүү тууралуу" токтому;

- "Автомототранспорт каражаттарын жана алардын чиркегичтерин Кыргыз Республикасынын Ички иштер министрлигинин Мамлекеттик автомобиль инспекциясында каттоо эрежелерин бекитүү жөнүндө" Кыргыз Республикасынын Өкмөтүнүн 2003-жылдын 15-февралындагы № 65 токтомуна толуктоо киргизүү тууралуу" Кыргыз Республикасынын Өкмөтүнүн 2009-жылдын 19-сентябрындагы № 601 токтому;

- Кыргыз Республикасынын Өкмөтүнүн 2010-жылдын 28-январындагы № 40 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 6-пункту;

- Кыргыз Республикасынын Өкмөтүнүн 2010-жылдын 7-октябрындагы № 232 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому;

- Кыргыз Республикасынын Өкмөтүнүн 2011-жылдын 27-майындагы № 259 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому;

- "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Өкмөтүнө караштуу Мамлекеттик каттоо кызматында каттоо эрежелерин бекитүү жөнүндө" токтомуна толуктоо жана өзгөртүү киргизүү тууралуу" Кыргыз Республикасынын Өкмөтүнүн 2012-жылдын 16-мартындагы № 180 токтому;

- Кыргыз Республикасынын Өкмөтүнүн 2012-жылдын 28-майындагы № 329 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтомунун 2-пункту;

- "Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Өкмөтүнө караштуу Мамлекеттик каттоо кызматында каттоо эрежелерин бекитүү жөнүндө" токтомуна өзгөртүүлөрдү киргизүү тууралуу" Кыргыз Республикасынын Өкмөтүнүн 2014-жылдын 21-апрелиндеги № 231 токтому;

- Кыргыз Республикасынын Өкмөтүнүн 2015-жылдын 10-августундагы № 564 "Кыргыз Республикасында бажылык жөнгө салуу жөнүндө" Кыргыз Республикасынын Мыйзамынын 95, 101, 102, 105, 128, 135, 148, 153, 157, 158, 163, 176, 180, 213, 229, 232-беренелеринин талаптарын ишке ашыруу боюнча чаралар жөнүндө" токтомунун 2-пунктунун он биринчи жана жыйырма жетинчи абзацтары;

- Кыргыз Республикасынын Өкмөтүнүн 2015-жылдын 23-сентябрындагы № 659 "Чет мамлекеттердин өкүлчүлүктөрүнүн кызматкерлерин, эл аралык уюмдардын өкүлчүлүктөрүнүн кызматкерлерин аккредитациялоонун жана дипломатиялык номердик белгилерди каттоонун маселелери жөнүндө" токтомунун 2-пункту;

- Кыргыз Республикасынын Өкмөтүнүн 2015-жылдын 7-октябрындагы № 689 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому;

- Кыргыз Республикасынын Өкмөтүнүн 2016-жылдын 3-октябрындагы № 524 "Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алууну камсыз кылуу боюнча чаралар жөнүндө" токтомунун 3-пункту;

- Кыргыз Республикасынын Өкмөтүнүн 2016-жылдын 27-декабрындагы № 704 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 1-пункту.

4. Ушул токтом расмий жарыяланган күндөн тартып күчүнө кирет.

3-тиркеме

Катталган транспорт каражаттарынын жана айдоочулук курамынын электрондук маалыматтар базасына ыкчам кирүү укугу бар Кыргыз Республикасынын мамлекеттик органдарынын жана кызмат адамдарынын ТИЗМЕГИ

(Кыргыз Республикасынын Өкмөтүнүн 2018-жылдын 25-октябрындагы № 502, 2019-жылдын 15-февралындагы № 54, 2019-жылдын 6-июнундагы № 282, 2019-жылдын 30-августундагы № 443, 2019-жылдын 16-сентябрындагы № 477, 2019-жылдын 21-ноябрындагы № 621, 2019-жылдын 16-декабрындагы № 683, 2020-жылдын 7-майындагы № 237, 2020-жылдын 9-сентябрындагы № 476, Кыргыз Республикасынын Министрлер Кабинетинин 2021-жылдын 18-августундагы № 143, 2022-жылдын 30-апрелиндеги № 239, 2022-жылдын 16-декабрындагы № 685, 2023-жылдын 28-декабрындагы № 716 , 2024-жылдын 23-августундагы № 501 токтомдорунун редакцияларына ылайык)

Кыргыз Республикасынын Ички иштер министрлиги.

Кыргыз Республикасынын Улуттук коопсуздук мамлекеттик комитети.

Кыргыз Республикасынын Коргоо министрлиги.

(КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

Кыргыз Республикасынын Улуттук коопсуздук мамлекеттик комитетинин Чек ара кызматы.

Кыргыз Республикасынын Финансы министрлигине караштуу Мамлекеттик салык кызматы.

Кыргыз Республикасынын Финансы министрлигине караштуу Мамлекеттик бажы кызматы.

Кыргыз Республикасынын Юстиция министрлиги.

Кыргыз Республикасынын Санариптик өнүктүрүү министрлигинин кызмат адамдары.

Кыргыз Республикасынын Эмгек, социалдык камсыздоо жана миграция министрлигинин кызмат адамдары.

Кыргыз Республикасынын Экономика жана коммерция министрлигинин кызмат адамдары.

Кыргыз Республикасынын Финансы министрлигине караштуу Финансылык чалгындоо мамлекеттик кызматынын кызмат адамдары.

Кыргыз Республикасынын Транспорт жана коммуникациялар министрлигинин кызмат адамдары.

Кыргыз Республикасынын прокуратура органдарынын кызмат адамдары

Кыргыз Республикасынын Тышкы иштер министрлигинин консулдук кызматынын, Кыргыз Республикасынын дипломатиялык өкүлчүлүктөрүнүн жана консулдук мекемелеринин кызмат адамдары

Кыргыз Республикасынын Айыл чарба министрлигинин кызмат адамдары

Эскертүү:

1. Катталган транспорт каражаттарынын жана айдоочулук курамдын электрондук маалыматтар базасынан маалыматты берүү тартиби Кыргыз Республикасынын жеке мүнөздөгү маалымат чөйрөсүндөгү мыйзамдарына ылайык транспорт каражаттарын жана айдоочулук курамды каттоо чөйрөсүндөгү ыйгарым укуктуу мамлекеттик орган тарабынан аныкталат.

Катталган транспорт каражаттарынын жана айдоочулук курамдын электрондук маалыматтар базасына ыкчам кирүү укугу бар Кыргыз Республикасынын мамлекеттик органдары катталган транспорт каражаттарынын жана айдоочулук курамдын электрондук маалыматтар базасына ыкчам кирүүгө укуктуу болгон адамдардын чектелген тизмесин аныктоого жана катталган транспорт каражаттарынын жана айдоочулук курамдын электрондук маалыматтар базасында камтылган маалыматты коргоону Кыргыз Республикасынын мыйзамдарына ылайык камсыздоого милдеттүү.

Кыргыз Республикасынын Юстиция министрлиги нотариат жөнүндө мыйзамдарга ылайык нотариалдык иш-аракеттерди жасоо милдети жүктөлгөн, катталган транспорт каражаттарынын жана айдоочулук курамдын электрондук маалыматтар базасына ыкчам кирүүгө укуктуу болгон юстиция органдарынын кызмат адамдарынын, жеке нотариустардын, Кыргыз Республикасынын дипломатиялык өкүлчүлүктөрүнүн (элчиликтеринин) жана консулдук мекемелеринин, жергиликтүү өз алдынча башкаруу органдарынын кызмат адамдарынын чектелген тизмесин аныктайт жана катталган транспорт каражаттарынын жана айдоочулук курамдын электрондук маалыматтар базасында камтылган маалыматты коргоону Кыргыз Республикасынын мыйзамдарына ылайык камсыздайт.

Нотариат жөнүндө мыйзамдарга ылайык нотариалдык иш-аракеттерди жасоо милдети жүктөлгөн, катталган транспорт каражаттарынын жана айдоочулук курамдын электрондук маалыматтар базасына ыкчам кирүүгө укуктуу болгон мамлекеттик органдардын кызматкерлери жана Кыргыз Республикасынын юстиция органдарынын кызмат адамдары, жеке нотариустар, Кыргыз Республикасынын дипломатиялык өкүлчүлүктөрүнүн (элчиликтеринин) жана консулдук мекемелеринин, жергиликтүү өз алдынча башкаруу органдарынын кызмат адамдары катталган транспорт каражаттарынын жана айдоочулук курамдын электрондук маалыматтар базасында камтылган маалыматты ачыкка чыгаргандыгы, ошондой эле мыйзамга ылайык келбеген жана так эмес маалымат бергендиги үчүн Кыргыз Республикасынын мыйзамдарына ылайык кылмыш-жаза жана тартиптик жоопкерчиликке тартылышат.

(Кыргыз Республикасынын Министрлер Кабинетинин 2023-жылдын 28-декабрындагы № 716 токтомунун редакциясына ылайык)

2. Кыргыз Республикасынын Айыл чарба министрлиги катталган айыл чарба техникасынын жалпы санын билүүгө укугу бар, катталган транспорт каражаттарынын жана айдоочулук курамдын электрондук маалыматтар базасында камтылган маалыматты ачыкка чыгаргандыгы, ошондой эле мыйзамга ылайык келбеген жана так эмес маалымат бергендиги үчүн Кыргыз Республикасынын мыйзамдарына ылайык кылмыш-жаза жана тартиптик жоопкерчиликке тартылуучу кызмат адамдарынын тизмегин аныктайт.